Футбаліст Ільля Шкурын і раней актыўна выступаў супраць гвалту ў Беларусі. Пасьля жнівеньскіх падзей ён паведаміў, што ня будзе выступаць за зборную краіны, пакуль Лукашэнка ва ўладзе.
І вось цяпер ён пакінуў подпіс пад лістом спартоўцаў, якія выступаюць за новыя сумленныя выбары і супраць гвалту, паведамляе Tut.by.
У Беларусі Ільля Шкурын выступаў за «Энэргетык-БДУ», у 2019 годзе стаў лепшым бамбардзірам чэмпіянату, на пачатку 2020-га перайшоў у маскоўскі ЦСКА.
Улады тым часам зьбіраюць подпісы спартоўцаў пад лістом у падтрымку Аляксандра Лукашэнкі.
