Ужо сёньня: сусьветны дзень прыбіральняў

Падзеі 19 лістапада ў беларускай і сусьветнай гісторыі.

Сусьветны дзень прыбіральняў.

19 лістапада адзначаецца ўсясьветны дзень прыбіральняў. Паводле ААН, каля 2,4 мільярда чалавек па ўсім сьвеце ня маюць доступу да дастойнай санітарыі, больш як мільярд вымушаныя спраўляць свае патрэбы пад адкрытым небам, з рызыкай хваробаў ды іншай небясьпекі. Гэтыя фота прыбіральняў зробленыя ў гарадах і вёсках па ўсім сьвеце.

Дата дня

19 лістапада 1784 году ў вёсцы Волька на Падляшшы нарадзіўся Міхал Баброўскі, славіст і ўсходазнавец, філёзаф, уніяцкі і праваслаўны сьвятар, першы беларускі скарыназнаўца, прафэсар Віленскага ўнівэрсытэту. Баброўскі спрыяў узьнікненьню беларусазнаўства, адкрыў і апісаў «Супраскі кодэкс», найбольш значны стараславянскі кананічны рукапіс.

Таксама ў гэты дзень

1190 — падчас Трэцяга крыжовага паходу ў Палестыне быў заснаваны Тэўтонскі ордэн.

1942 — савецкія войскі пачалі контранаступ пад Сталінградам.

1962 – выйшла аповесьць Аляксандра Салжаніцына «Адзін дзень Івана Дзянісавіча».

ГЛЯДЗІЦЕ ТАКСАМА:

Адзін дзень, які зьмяніў СССР

У гэты дзень нарадзіліся

1908 — у вёсцы Шані на Пружаншчыне нарадзіўся Мікола Засім, беларускі паэт.

У памяці

1557 — памерла Бона Сфорца, польская каралева і вялікая княгіня літоўская, другая жонка Жыгімонта І Старога. Бона Сфорца праводзіла палітыку збліжэньня Беларусі з Заходняй Эўропай. З ініцыятывы каралевы Боны была праведзеная вялікая аграрная рэформа.

2007 — памёр Язэп Сажыч, беларускі грамадзка-палітычны дзяяч, у 1982–1997 гадах старшыня Рады БНР.

2008 — памёр Алег Лойка, беларускі паэт, пісьменьнік і літаратуразнаўца