3620-я артылерыйская база ўзбраеньня прыводзіцца ў найвышэйшую ступень боегатоўнасьці, паведамляе Мінабароны.
Гэтая частка комплекснай праверкі боегатоўнасьці, паводле Мінабароны, плянавая.
Менскія ваенкаматы выклікалі вайсковаабавязаных з запасу.
У бліжэйшыя дні пройдуць заняткі па баявым супрацоўніцтве падразьдзяленьняў, потым — агляд гатоўнасьці да выкананьня задач.
Вайсковаабавязаныя, прызваныя з запасу, за тры тыдні збораў «падвысяць тэарэтычныя веды і адновяць практычныя навыкі», інфармуе Мінабароны.
Раней паведамлялася і аб прывядзеньні ў найвышэйшую ступень баявой гатоўнасьці з выклікам рэзэрвістаў танкавай базы.
