«Як пацукі разьбегліся». Лукашэнка прыляцеў у Палац Незалежнасьці з аўтаматам у руках. ВІДЭА

Блізкі да Аляксандра Лукашэнкі тэлеграм-канал «Пул первого» выклаў відэа, на якім бачна, як ён прыляцеў у палац Незалежнасьці на верталёце. Відэа зьявілася ў 19.33.

Лукашэнка выйшаў у бронікамізэльцы і з аўтаматам у руках (праўда, без магазына з патронамі).

Раней некалькі тысяч пратэстоўцаў накіраваліся ад стэлы ў бок Палаца Незалежнасьці, дзе іх чакаў кардон з тысячы узброеных сілавікоў, спэцтэхніка і вадамёты. Канфліктаў не было.

Калі людзі пачалі разыходзіцца, верталёт, зь якога пазьней выйшаў Лукашэнка, праляцеў над пратэстоўцамі.

Пазьней згаданы тэлеграм-канал апублікаваў відэа, зьнятае на борце верталёту Лукашэнкі. На запісе чуваць голас імаверна Лукашэнкі, які кажа, пралятаючы над праспэктам Пераможцаў: «Як пацукі разьбегліся».

ГЛЯДЗІЦЕ ТАКСАМА:

Тысячы чалавек скіраваліся ў бок Палацу незалежнасьці. АМАП перагарадзіў праспэкт 

Сёньня ў «Маршы новай Беларусі» ў Менску ўзялі ўдзел сотні тысяч чалавек. Мірныя маніфэстацыі прайшлі ў многіх гарадах Беларусі.

У Менску сёньня адбываецца Марш новай Беларусі. У пачатку дня падаў додж і здавалася, што акцыя будзе менш шматлікай. Але дождж скончыўся і вуліцы гораду запоўнілі дзясяткі тысяч людзей зь бел-чырвона-белымі сьцягамі. Самі ўдзельнікі мяркуюць, што яна больш шматлікая, чым тыдзень таму, 16 жніўня.