Заплянаваны на 31 сьнежня суд над моладзевым актывістам Максімам Урбановічам, які павінен быў адбыцца за ўдзел у акцыі 8 снежня, перанесены.
Як паведамляе сайт праваабарончага цэнтру "Вясна" са спасылкай на судзьдзю Тацяну Акавітую, паседжаньне адбудзецца 9 студзеня а 9.30.
Аналягічная сытуацыя з судом над Андрэем Хранковым. Ён мусіў адбыцца 31 сьнежня, але таксама перанесены на 9 студзеня на 9.15. Справу Хранкова па ч. 3 арт. 23.34 КаАП за ўдзел у акцыі 7 снежня разглядае судзьдзя Валеры Есьман.