Цягам двух выходных дзён у Менску пратэставалі супраць «паглыбленай інтэграцыі» з Расеяй. Свабода склала мапу незвычайных шэсьцяў «за незалежнасьць».
Сцэнар акцыяў моцна адрозьніваўся ад папярэдніх: людзі зьбіраліся на мітынг на Кастрычніцкай плошчы, адкуль пасьля рушылі шэсьцем праз цэнтар гораду да розных стратэгічных і сымбалічных аб’ектаў. Апагеем несанкцыяваных менскімі уладамі вулічных акцый стаў стыхійны мітынг каля амбасады Расеі 8 сьнежня.
Кожны з пратэстаў цягнуўся сама меней 5 гадзінаў, удзельнікі сумарна прайшлі звыш 13 кілямэтраў. За гэты час не затрымалі ніводнага пратэстоўца.
У Менску пратэставалі супраць інтэграцыі з Расеяй. Вялікі фотарэпартаж
7 сьнежня ў Менску прайшлі дзьве акцыі пратэсту супраць «паглыбленьня інтэграцыі» з Расеяй. Як гэта было, глядзіце ў вялікім фотарэпартажы Свабоды.
Другі дзень акцыі супраць «паглыбленьня інтэграцыі» з Расеяй. Фотарэпартаж
8 сьнежня ў цэнтры Менску адбылася другая цягам выходных акцыя пратэсту супраць «паглыбленьня інтэграцыі» Беларусі і Расеі. Як і днём раней, яна не была санкцыянаваная гарадзкімі ўладамі, аднак затрыманьняў удалося пазьбегнуць.
