Упершыню ў гісторыі адразу дзьве жанчыны выйшлі ў адкрыты космас зь Міжнароднай касьмічнай станцыі. Астранаўты ЗША Крыстына Кок і Джэсіка Мэір праводзяць замену вонкавага энэргаблёку, які перастаў працаваць.
Гэты працэс можа заняць каля шасьці з паловай гадзін, паведамілі 18 кастрычніка ў NASA.
У прэс-рэлізе агенцтва падкрэсьліваецца, што паломка, якую ліквідуюць Кок і Мэір, не ўяўляе пагрозы для экіпажу МКС і працы станцыі, але пазбаўляе яе дадатковай крыніцы энэргіі.
