Аляксандар Лукашэнка 23 верасьня ўзнагародзіў расейскую сьпявачку Алу Пугачову ордэнам Дружбы народаў, піша БелТА.
Сьпявачку ўзнагародзілі за ўнёсак у разьвіцьцё эстраднага мастацтва і ўмацаваньне беларуска-расейскіх культурных сувязяў.
Хто яшчэ з замежнікаў атрымліваў такі ордэн ад Лукашэнкі?
У сакавіку 2013 году кіраўнік Беларусі падпісаў указ аб узнагароджаньні ордэнам Дружбы народаў Уладзіміра Пуціна за інтэграцыю Беларусі і Расеі.
У кастрычніку 2012 году Беларусь наведаў патрыярх Маскоўскі і ўсяе Русі Кірыл. Аляксандар Лукашэнка з гэтай нагоды выказаўся пра «сымфонію ў адносінах паміж сьвецкай і духоўнай уладай у Беларусі» і падкрэсьліў «значны ўнёсак патрыярха ў саюзнае будаўніцтва» і «імкненьне захаваць славянскае брацтва народаў Беларусі, Расеі і Ўкраіны», падмацаваўшы словы ордэнам Дружбы народаў.
У лютым 2015 году ордэн Дружбы народаў атрымалі віцэ-прэм’ер Расейскай Фэдэрацыі Аркадзь Дварковіч і першы віцэ-прэм’ер Ігар Шувалаў.
Абнаўляецца