Француская эканоміка адчуе нэгатыўныя наступствы пратэстаў так званых «жоўтых камізэлек», заяўляюць Цэнтральны банк Францыі і міністар эканомікі краіны.
На выходных падчас пратэстаў паліцыя затрымала амаль дзьве тысячы чалавек.
Паводле прагнозаў Цэнтральнага банка Францыі, рост ВУП краіны ў апошнія тры месяцы 2018 года зьнізіцца з 0,4 да 0,2 працэнта. Паводле ацэнак міністра эканомікі Францыі Бруна Ле Мэра, у гадавым выразе рост зьменшыцца на 0,1 адсоткавага пункта. Гэта значна наблізіць францускую эканоміку да рэцэсіі, якая і так разьвіваецца павольна, лічыць Ле Мэр.
У панядзелак прэзыдэнт Францыі Эманюэль Макрон сустрэнецца з прадстаўнікамі прафсаюзаў, зь якімі абмяркуе сытуацыю з пратэстамі «жоўтых камізэлек». Увечары таксама заплянавана выступленьне прэзыдэнта па тэлебачаньні: у звароце да нацыі Макрон мае намер прадставіць пляны ўрада для дазволу сацыяльнага канфлікту ў Францыі, паведамляе агенцтва AFP.
