На Балканах магчымая новая зьмена межаў — абмен тэрыторыямі паміж Косавам і Сэрбіяй. Нехта называе гэта самым простым спосабам разьвязаць балканскі вузел, а хтосьці перакананы, што гэта можа скончыцца новай вайной.
Паводле пляну, які абмяркоўваюць прэзыдэнты Косава і Сэрбіі, апошняя атрымае тэрыторыі ў Косаве, дзе жывуць сэрбы, а Косава — альбанскамоўныя тэрыторыі. Другі пункт — Сэрбія прызнае ў нейкай форме Косава, і абедзьве краіны могуць увайсьці ў Эўразьвяз. Здаецца, геніяльны плян. Але ня ўсё так проста.
Пра сытуацыю на Балканах Дзьмітры Гурневіч гутарыць з балканістам Міхалам Пашкевічам.
