Некаторыя найбольш цікавыя публікацыі Свабоды мінулага тыдня.
Выкладчык Вайсковай акадэміі: Наш старажытны герб «Пагоня» мае безумоўна ваенны складнік
Чаму веды беларускага вайскоўца пра Яна Караля Хадкевіча і Багуслава Радзівіла ня менш важныя, чым веданьне найноўшай вайсковай тэхнікі? Хто варты быць у пантэоне беларускіх вайскаводаў? У чым адметнасьць беларускай вайсковай школы? Пра гэта ў інтэрвію Свабодзе распавёў падпалкоўнік запасу Віталь Чырвінскі.
«Купала быў бы шчасьлівы». Дубавец і Марціновіч пра адмову «НН» ад паперы і будучыню СМІ
«Наша ніва» спыняе рэгулярны выхад папяровай газэты. Выданьне з падзагалоўкам «Першая беларуская газэта» будзе існаваць толькі ў электроннай форме як партал NN.BY. Гутарка з рэдактарам адноўленай у 1990 годзе «Нашай нівы» Сяргеем Дубаўцом і цяперашнім рэдактарам, але ўжо толькі сайту «Нашай нівы», Ягорам Марціновічам.
У Менску назвалі вуліцы ў гонар міністра ўраду БНР, дывэрсанта НКВД і расстралянага паэта
Менскі гарадзкі савет дэпутатаў пастанавіў надаць назвы некаторым часткам Менску, дзе маюць зьявіцца новыя вуліцы і паркі.
Яны вяртаюцца. Якую Беларусь шукаюць габрэйскія турысты?
Габрэі, якія восемдзесят гадоў таму беглі зь Беларусі, цяпер вяртаюцца. Штуршком стала адмена візаў для Ізраілю ў канцы 2015 году і нядаўні «бязьвіз» для 80 дзяржаваў. Габрэйскія турысты шукаюць тут ня толькі пахаваньні продкаў, але і таннага экстрыму.
Гуру амэрыканскіх хакераў пра беларускі ПВТ і пажары ад крыптавалюты
Джэф Мос, які цяпер уваходзіць у Дарадчую раду па ўнутранай бясьпецы ЗША, 25 гадоў таму заснаваў адну з найбуйнейшых хакерскіх канфэрэнцый у сьвеце. Мос адказаў на пытаньні Радыё Свабода.
Што цікавіць і хвалюе сучасную моладзь: маркетынгавае дасьледаваньне беларускага «пакаленьня Z»
Беларускі сайт Marketing.by апублікаваў маркетынгавае дасьледаваньне, праведзенае агенцтвам Vondel/Hepta, прысьвечанае маладому пакаленьню беларусаў (як называюць яго у дасьледаваньні, «пакаленьне Z») 1995−2005 гадоў нараджэньня.
Лекары ў ЗША вылечылі рак грудзей у тэрмінальнай стадыі пры дапамозе «пераліваньня» лімфацытаў
Прырода Nature апублікаваў артыкул каманды навукоўцаў з Амэрыканскага нацыянальнага цэнтра па дасьледаваньні рака ў Бэтэсьдзе, у Мэрылэндзе. У ёй распавядаецца пра экспэрымэнтальны мэтад лячэньня рака, які ў будучыні можа выратаваць жыцьці тысяч людзей, у тым ліку тых, у каго рак быў знойдзены занадта позна, ужо ў тэрмінальнай (канчатковай) стадыі.
«На яго пайшла аднапакаёвая кватэра». Краязнаўца зрабіў макет Горадні за дванаццаць год
Горадзенскі краязнаўца Ігар Лапеха закрывае жалюзі, выключае сьвятло і націскае на пуск прэзэнтацыі. Перад ім на шаснаццаці квадратных мэтрах ягоная Горадня: ад Нёмана да вуліцы Дамініканскай, ад Гараднічанкі да вуліцы Маладзёжнай. Гэты горад ужо ніколі ня будзе такім: з дамінантнай Фарай Вітаўта, камэрным Рынкам і ратушай з самым старым гадзіньнікам у Эўропе.
А каб цябе цяміла! Беларускія зычэньні перад экзамэнам — бяз пуху і пер’я
Падчас студэнцкай сэсіі ды выпускных экзамэнаў — пра розныя зычэньні. Польскія студэнты кажуць «зламі нагу», расейскія — «ни пуха ни пера». У мовах сьвету знойдзем і добрыя пажаданьні, і прымхлівыя несапраўдныя праклёны. А чаго зычыць беларускім студэнтам і як на тое адказаць? Як зычыць здароўя і плёну, як рэагаваць на чханьне?
Мірскі замак 40 гадоў таму. Эпічныя фота Сяргея Дубаўца
Улетку 1978 году студэнты факультэту журналістыкі БДУ Ігар Гермянчук (ён часам трапляе ў кадар) і Сяргей Дубавец зрабілі фатасэсію на Мірскім замку, які ў тыя часы меў зусім іншы вобраз эпічнай руіны, што проста дыхала пракаветнасьцю нашай мінуўшчыны.
