Расейскі дыплямат папярэдзіў Ізраіль наконт прапанаванага праекта закона, які б афіцыйна прызнаў генацыдам гібель мільёнаў украінцаў у савецкі час, паведамляе Reuters.
«Цяпер ня добры час, каб абмяркоўваць такую прапанову, — заявіў Леанід Фралоў, намесьнік пасла Расеі ў Тэль-Авіве, выступаючы на Радыё Арміі. — Гэта будзе дрэнна. Гэта будзе няправільны крок».
Ён казаў пра законапраект, пададзены дэпутатам цэнтрысцкай партыі, якая ўваходзіць у кіроўную кааліцыю, якую ён узначальвае Біньямінам Нэтаньягу. Законапраект прапануе аб’явіць 6 сьнежня «Днём памяці ўкраінскага генацыду» ў Ізраілі.
Падчас Галадамору 1932-1933 гадоў ва Ўкраіны ад голаду загінула каля 10 мільёнаў чалавек. Гэтае злачынства дзесяцігодзьдзямі адмаўлялі ў Савецкім Саюзе. У 2016 годзе Ўкраіна прыняла рэзалюцыю, заклікаючы сьвет прызнаць Галадамор генацыдам, што раззлавала Маскву.
Ізраільскі законапраект зьяўляецца на першых стадыях праходжаньня і ўжо стаў прадметам крытыкі ўнутры кіруючай кааліцыі. Міністар абароны Ізраіля Авігдор Лібэрман назваў ідэю Акрам Гасон «трызьненьнем».
Па дадзеных урада Ўкраіны, 17 краін, у тым ліку 8 краін постсавецкай прасторы, прызналі Галадамор генацыдам.