Лінкі ўнівэрсальнага доступу

Парашэнка падзякаваў Беларусі за міратворчыя намаганьні


Пятро Парашэнка і Аляксандар Лукашэнка
Пятро Парашэнка і Аляксандар Лукашэнка

Падчас сустрэчы з кіраўніком Беларусі Аляксандрам Лукашэнкам украінскі прэзыдэнт Пятро Парашэнка заявіў, што Менскія пагадненьні — безальтэрнатыўны плян міру і стабільнасьці ва Ўкраіне.

Паводле БЕЛТА, Парашэнка адзначыў, што ў Менску былі распрацаваныя пагадненьні, якія сталі асновай прынцыпаў урэгуляваньня канфлікту на ўсходзе Ўкраіны:

«На сёньняшні дзень яны зьяўляюцца безальтэрнатыўным плянам міру і стабільнасьці ва Ўкраіне».

Парашэнка падзякаваў Беларусі за прыкладзеныя міратворчыя намаганьні і выказаў надзею, што канфлікт вырашыцца як найхутчэй.

Размаўляючы з жыхарамі аграгарадка Ляскавічы, Парашэнка сказаў, што Беларусі і Ўкраіне трэба «як вока захоўваць сваё сяброўства».

Ён расказаў пра дамоўленасьці ў сфэры энэргетыкі, пра каардынацыю намаганьняў што да працы на рынках трэціх краін. Акрамя таго, прэзыдэнты дамовіліся пра спрашчэньне ўзаемных паездак грамадзян Беларусі і Ўкраіны.

«Мяжа павінна быць сымбалем дружбы, міру, таварыскіх і партнэрскіх адносін паміж нашымі краінамі», — падкрэсьліў Парашэнка.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG