Лінкі ўнівэрсальнага доступу

Гістарычны музэй зьбірае грошы на выкуп манэт ВКЛ часоў Вітаўта


7200 рублёў неабходна сабраць для выкупу 9 сярэднявечных манэт для Нацыянальнага гістарычнага музэю. Праект запушчаны на краўдфандынгавай пляцоўцы Talaka.by.

У зборах галоўнага гістарычнага музэю краіны сёньня ёсьць толькі дзьве раньнелітоўскія манэты, піша ў апісаньні праекту Раман Крыцук, супрацоўнік музэю. Пенязь часоў Альгерда набылі ў 2010 годзе дзякуючы спонсарскай падтрымцы ААТ «Белзьнешэканомбанк». Яшчэ адзін пенязь часоў Вітаўта падарыла прыватная асоба.

Летась музэю прапанавалі набыць дзевяць раньнелітоўскіх пенязяў — манэты часоў вялікіх князёў Вітаўта і Ягайлы. Іх агульны кошт — 7200 рублёў. Калі ўдасца сабраць грошы, купленыя манэты зьмесьцяць у экспазыцыі «Старажытная Беларусь» замест муляжоў грыўняў.

Паводле стану на 24 красавіка для выкупу манэт сабрана 815 рублёў. Да сканчэньня кампаніі засталося пяць дзён.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG