Прэзыдэнт Францыі Франсуа Алянд неафіцыйна павіншаваў па тэлефоне Эманюэля Макрона. Усьлед за прэзыдэнтам Макрона падтрымалі і кандыдаты, якія прайгралі. Франсуа Фіён, які набраў 19,91% галасоў, у эфіры францускага тэлебачаньня прызнаў паразу і заклікаў сваіх прыхільнікаў галасаваць за Макрона ў другім туры.
Падтрымалі цэнтрыста-Макрона і кандыдат ад сацыялістаў Бэнуа Амон, міністар замежных справаў Францыі Жан-Марк Эйро, і францускі прэмʼер Бэрнар Казьнёў.
Другі тур прэзыдэнцкіх выбараў у Францыі пройдзе 7 траўня.