Паводле паліцыі, страляніна адбылася 10 красавіка ў клясе пачатковай школы ў раёне Норзпарк.
Сярод загінулых жанчына, якая, як лічыцца, была настаўніцай, і сам падазраваны ў нападзе, таксама дарослы.
Паведамляецца, што мужчына адкрыў агонь зь пісталета ў клясе, забіў жанчыну і параніў дваіх дзяцей, якія стаялі ў яе за сьпінай. Затым ён учыніў самагубства.
Двое параненых вучняў у крытычным стане былі шпіталізаваныя, аднак адзін зь іх пазьней памёр у бальніцы ад атрыманых траўмаў.
У сьнежні 2015 году ў Сан-Бэрнардына сужэнцы ўчынілі страляніну, у выніку якой 14 чалавек загінулі, 22 былі параненыя. Паліцыя меркавала, што тыя, хто нападаў, маглі быць прыхільнікамі ісламістаў.