Лінкі ўнівэрсальнага доступу

Ужо сёньня: 100 гадоў таму ў Менску пачаўся Зьезд беларускіх арганізацыяў


Партрэт Рамана Скірмунта на праекце беларускіх грошай, 2009 год

Падзеі 7 красавіка ў беларускай і сусьветнай гісторыі.

Дата дня

7 красавіка 1917 году ў Менску адкрыўся Зьезд беларускіх нацыянальных арганізацыяў. 150 дэлегатаў зьезду выпрацавалі праграму беларускага руху. Дэлегаты стварылі Беларускі нацыянальны камітэт на чале з Раманам Скірмунтам, вырашылі заснаваць Беларускі ўнівэрсытэт і перавесьці ўсю пачатковую адукацыю ў Беларусі на беларускую мову.

Таксама ў гэты дзень

1348 — імпэратар Карл IV заснаваў унівэрсытэт у Празе.

1939 — фашысцкая Італія напала на Альбанію.

1948 — была заснаваная Сусьветная арганізацыя аховы здароўя.

1965 — Уладзімер Караткевіч напісаў першыя радкі раману «Хрыстос прызямліўся ў Гародні».

1969 — сымбалічная дата нараджэньня інтэрнэту: быў апублікаваны пакет дакумэнтаў, якія прапанавалі тэарэтычныя прынцыпы кампутарных сетак.

1994 — пачатак генацыду ў Руандзе — за 100 дзён былі забітыя больш за 900 тысяч чалавек.

2009 — у Малдове адбыліся масавыя беспарадкі, выкліканыя вынікамі парлямэнцкіх выбараў.

2010 — падчас другой рэвалюцыі ў Кіргізстане быў адхілены ад улады прэзыдэнт Курманбек Бакіеў, які потым знайшоў прытулак у Беларусі.

У гэты дзень нарадзіліся

1889 — Габрыела Містраль, Нобэлеўскі ляўрэат па літаратуры.

1914 — Кірыла Мазураў, савецкі партыйны і дзяржаўны дзяяч, першы сакратар ЦК КПБ у 1956-65 гадах.

1947 — Валер Славук, беларускі мастак.

У памяці

1614 — памёр Эль Грэка, гішпанскі мастак.

1973 — памёр Язэп Дыла, беларускі пісьменьнік і культурны дзяяч.

1983 — памерла Ларыса Геніюш, беларуская паэтка.

Помнік Ларысе Геніюш у Зэльве

Помнік Ларысе Геніюш у Зэльве

Ваша меркаваньне

Паказаць камэнтары

XS
SM
MD
LG