Асоба Акбаржона Джалілава, падазраванага ў выкананьні тэракту ў мэтро Санкт-Пецярбургу, пацьверджана экспэртызай ДНК. Пра гэта паведамляе агенцтва «Новости». Таксама ўстаноўлены асобы ўсіх загінулых.
У Сьледчым камітэце Расіі лічаць, што 22-гадовы Акбаржон Джалілаў пакінуў выбуховую прыладу на станцыі «Плошча Паўстаньня», пасьля чаго зрабіў выбух на станцыі «Сенная плошча». Паводле зьвестак спэцслужбаў Кіргізстану, Джалілаў — ураджэнец кіргіскага гораду Ош. Ён меў расейскае грамадзянства.
3 красавіка ў мэтро Санкт-Пецярбургу адбыўся выбух, у выніку якога загінулі 14 чалавек і каля 50 атрымалі раненьні. Распачалі крымінальную справа па артыкуле «тэракт».
