Лінкі ўнівэрсальнага доступу

На праблемныя беларускія прадпрыемствы прыехалі расейскія інспэктары


Ілюстрацыйнае фота

Ад сёньняшняга дня экспэрты расейскага ведамства кантролю за якасьцю прадукцыі «Рассельгаснагляд» прыступілі да інспэкцыі беларускіх прадпрыемстваў, якія маюць праблемы з доступам на расейскі рынак.

Агенцтва БелТА са спасылкай на дырэктара Дэпартамэнту вэтэрынарнага і харчовага нагляду Аляксандра Субоціна ўдакладняе, што дзьве групы спэцыялістаў працуюць у Гомельскай і Берасьцейскай абласьцях.

Плянуецца, што праверкі працягнуцца да 9 красавіка. Па іх выніках Беларусь ужо ў красавіку разьлічвае на зьняцьце абмежаваньняў на пастаўку сваёй сельгаспрадукцыі ў Расею.

Цяпер абмежаваньні дзейнічаюць у дачыненьні да 12 малочных прадпрыемстваў, 8 мясакамбінатаў і 3 буйных птушкафабрык.

Пытаньне зьняцьця санкцыяў зь беларускіх вытворцаў харчаваньня сярод іншага абмяркоўвалася падчас сустрэчы Аляксандра Лукашэнкі і Ўладзімера Пуціна 3 красавіка ў Санкт-Пецярбургу.

Напярэдадні міністар сельскай гаспадаркі і харчаваньня Беларусі Леанід Заяц заявіў, што Менск ня будзе судзіцца з Масквой з прычыны недапаставак беларускага харчаваньня на расейскі рынак. Раней такая магчымасьць не выключалася. «Не ў судзе пытаньні трэба вырашаць, а дамаўляцца», — лічыць кіраўнік аграрнага ведамства Беларусі.

Ваша меркаваньне

Паказаць камэнтары

XS
SM
MD
LG