У панядзелак і на наступны дзень пасьля выбуху ў пецярбургскім мэтрапалітэне жыхары Менску ўсклалі кветкі пад амбасадай Расеі ў Беларусі, запалілі зьнічы.
На кароткі час да амбасады падышлі таксама прадстаўнікі арганізацыі «Белая Русь» з карэспандэнтамі дзяржаўнага інфармагенцтва БелТА.
Расейскія ўлады і сьледчыя называюць выбух тэрактам. У выніку выбуху загінулі 14 чалавек, паўсотні шпіталізавана. Распачатае расьсьледаваньне, ніякая арганізацыя ня брала на сябе адказнасьці за выбух.