Лінкі ўнівэрсальнага доступу

Жонка нарадзiлася у Бабруйску. I жыла побач з кандытарскай фабрыкай, адкуль часта жанчыны, што працавалi на фабрыцы, праз плот перакiдвалі дзецям зэфiр. Гэта быў радасны ўспамiн дзяцiнства.

У Нью-Ёрку, у крамах, можна ўбачыць прысмакi з усяго сьвету.

I неяк у маленькай крамцы, што таргавала гароднiнай, заўважылi знаёмыя зь дзяцiнства прысмакi.

— Гэта зэфiр? — ня верачы вачам, перапытала жонка.

— Цукеркi, — адказала касiрка, не разумеючы слова зэфiр. — Смачныя!

Гэта быу бабруйскi зэфір. I, калi мы прынесьлi яго дадому i пачаставалi сына. Ён, успомнiўшы мамiны гiсторыi, спытаў:

— Праз плот перакiнулi?

I мы ў адзiн голас сказалi:

— Праз акiян!


Марат Баскiн

Шаноўныя чытачы, у гэтай рубрыцы кожны з вас можа апублікаваць свой тэкст, калі запрапануе цікавую тэму і ўкладзецца ў 100 словаў. Прысылайце свае прапановы на адрас svaboda@rferl.org

Ваша меркаваньне

Паказаць камэнтары

XS
SM
MD
LG