Лінкі ўнівэрсальнага доступу

Забіць гадзіну


Фэрдынанд Георг Вальдмюлер, «Бабуля з трыма унучкамі» (1854)
Фэрдынанд Георг Вальдмюлер, «Бабуля з трыма унучкамі» (1854)

Антанёўская бабуля Марыя Кеда, якая жыцьцё пражыла ў Налібоцкй пушчы, вучыла:

Угледзіш гадзіну — забі. Дараваныя табе будуць семдзесят пяць грахоў.

Баюся гадзіны. І забіваць баюся.

Ня бойся. Бо калі не заб’еш, дададуцца табе дванаццаць грахоў.

За што дададуцца?

Бо гадзіна каго-небудзь абавязкова ўкусіць. А ты яго выратаваць не захацела...

Не засвоіла бабуліну навуку. Усё жыцьцё ад гадзінаў уцякаю. Ідучы ў лес, зьвяртаюся да іх, дэкляруючы, што дрэннага ім не зраблю. Наўзамен прашу мне на вочы не трапляць.

Згадала гэта, калі давялося заблякаваць «сяброў» з ФБ. Даведалася: празь зьвесткі з мае стужкі яны здольны ўджаліць іншых.

Гадкае адчуваньне! Быццам забіла гадзіну.

Альжбета Кеда

Шаноўныя чытачы, у гэтай рубрыцы кожны з вас можа апублікаваць свой тэкст, калі запрапануе цікавую тэму і ўкладзецца ў 100 словаў. Прысылайце свае прапановы на адрас svaboda@rferl.org

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG