Лінкі ўнівэрсальнага доступу

БАЖ пра новыя затрыманьні журналістаў 26 сакавіка


Журналіст «Белсату»  Алесь Залеўскі. Архіўнае фота
Журналіст «Белсату»  Алесь Залеўскі. Архіўнае фота

Як паведамляе прэсавая служба «Беларускай асацыяцыі журналістаў», 26 сакавіка ў Менску былі затрыманыя журналісты «Белсату» Аляксей Мінчонак і Алесь Залеўскі.

Папярэдне вядома, што іх спынілі супрацоўнікі ДАІ за Палацам рэспублікі. Мінчонак і Залеўскі знаходзяцца ў Цэнтральным РАУСе Менска. Прэсавы сакратар менскай міліцыі Аляксандр Ластоўскі сказаў, што «нічым ня можа дапамагчы затрыманым».

У Гомелі затрыманая журналістка БелаПАН Алена Германовіч.
У Віцебску затрыманыя сябры ГА «БАЖ» Павел Левінаў, Леанід Сьвецік, Канстанцін Мардзвінцаў.

У Менску на Кастрычніцкай плошчы затрыманыя блогер Раман Пратасевіч, блогер і публіцыст Стась Карпаў.

А 12 гадзіне дня ў Бабруйску на плошчы Перамогі мелася адбыцца вулічная акцыя. Рэдактар «Бабруйскага кур’ера» Анатоль Санаценка прыйшоў асьвятляць мерапрыемства. Там яго затрымалі амапаўцы і адправілі ў міліцэйскі аўтобус.

Таксама ў Бабруйску затрыманыя журналісты Андрэй Шобін і Віктар Масаловіч.

У Оршы таксама мелася адбыцца вулічная акцыя. Там у цэнтры горада затрыманы рэдактар рэгіянальнага сайта orsha.eu Ігар Казмерчак.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG