Лінкі ўнівэрсальнага доступу

logo-print

Вясну прычакала


Францішак Кастшэўскі, «Зьбіраньне грыбоў» (1860). Ілюстрацыя да «Пана Тадэвуша» А. Міцкевіча

Францішак Кастшэўскі, «Зьбіраньне грыбоў» (1860). Ілюстрацыя да «Пана Тадэвуша» А. Міцкевіча

Пайшлі ў грыбы я з дачкою і сябра з дачкою. Дзяўчат восы джгнулі. Грыбоў нямашака. Сябра зь дзецьмі выбіліся на шашу, чакаюць мяне. А я знайшла прыгажуню-бабку і спрабую падабраць ёй пару. Урэшце здаюся — выходжу.

Усе варожаць на рамонках, сябра працягвае і мне: «Паваражы!» Але дачка высмыквае кветку і выкідае: «Ня трэба табе варажыць!» «Чаму ж не, дачушка?» «Цябе тата і гэтак любіць, бо раптам атрымаецца „ня любіць“, давядзецца разводзіцца».

Амаль побач з хатаю наразаю вядро малюпаткіх масьлякоў. Паўночы абіраю, рукі чорныя, грыбы сонечныя, як сэрца рамонкаў.

Першая патэльня — любіць. Другая — ня любіць.

А трэцяя — вясну ў лядоўні прычакала…

Любіць…

Аксана Спрынчан

Шаноўныя чытачы, у гэтай рубрыцы кожны з вас можа апублікаваць свой тэкст, калі запрапануе цікавую тэму і ўкладзецца ў 100 словаў. Прысылайце свае прапановы на адрас svaboda@rferl.org

Ваша меркаваньне

Паказаць камэнтары

XS
SM
MD
LG