Лінкі ўнівэрсальнага доступу

Пуцін абяцаў дазволіць уезд у Расею для 200 тысяч высланых грамадзян Таджыкістану


Прэзыдэнт Расеі Ўладзімір Пуцін па выніках перагавораў у Душанбэ з кіраўніком Таджыкістану Эмамалі Рахмонам паабяцаў, што Расея і Таджыкістан «вырашаць праблему», зьвязаную з забаронай на ўезд у РФ высланых грамадзян гэтай краіны.

«Мы гэта абмяркоўвалі. У цэлым рашэньне знойдзена, і мы будзем працаваць у адпаведнасьці з дамоўленасьцю з прэзыдэнтам Таджыкістану», — сказаў Пуцін. Паводле яго слоў, пытаньне аб амністыі узьняў Рахмон.

Першы віцэ-прэм’ер Ігар Шувалаў растлумачыў, што гаворка ідзе пра мігрантаў, якія своечасова ня выехалі з Расеі і тым самым парушылі правілы знаходжаньня ў Расеі, альбо зрабілі адміністрацыйныя правапарушэньні (у асноўным гэта тычыцца тых, хто жыў без рэгістрацыі). Паводле Шувалава, «амністыя» можа закрануць больш чым 200 тысяч чалавек.

Паводле інфармацыі праваабаронцаў, за апошнія тры гады з Расеі выслалі больш за паўмільёна мігрантаў.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG