Лінкі ўнівэрсальнага доступу

Чацьвёра абаронцаў Курапатаў застаюцца ў міліцыі, тэлефоны іх адключаныя


Ілюстрацыйнае фота. Падчас затрыманьня яшчэ аднаго актывіста абароны Курапатаў Паўла Старавойтава. Менск, 22 лютага 2017
Ілюстрацыйнае фота. Падчас затрыманьня яшчэ аднаго актывіста абароны Курапатаў Паўла Старавойтава. Менск, 22 лютага 2017

Пра меркаванае затрыманьне абаронцаў Курапатаў паведаміў правабарончы цэнтар «Вясна»:

«Некалькі ўдзельнікаў акцыі абароны Курапатаў раніцай 23 лютага накіраваліся ў гарадзкі аддзел міліцыі Савецкага раёну Менску, каб скласьці заявы па факце начнога нападу на лягер актывістаў на Мірашнічэнкі, 53. Неўзабаве ў аддзяленьне прыбыў супрацоўнік КДБ, які спрабуе запісаць паказаньні абаронцаў на відэакамеру.

„Наш статус пакуль невядомы“, — паведамляе адзін з актывістаў абароны Курапатаў Юры Лукашэвіч.

Ёсьць непацьверджаная інфармацыя пра складаньне пратаколаў на саміх заяўнікаў паводле арт. 23.34 КаАП (арганізацыя і ўдзел у несанкцыянаваным масавым мерапрыемстве). Пра гэта ў сацыяльных сетках паведаміў Раман Пратасевіч».

Каб спраўдзіць гэтую інфармацыю , карэспандэнт Свабоды патэлефанаваў у ГАМ Савецкага раёну на вуліцы Кальцова, куды і зьвярнуліся з заявамі абаронцы Курапатаў. Раней дзяжурны пацьвярджаў, што ў ГАМе знаходзяцца 4 чалавекі, якія пішуць заявы пра напад на іх з боку невядомых. Тады зьвестак пра затрыманьне гэтых людзей дзяжурны не пацьвердзіў. Гэтым разам дзяжурны ўвогуле адмовіўся адказваць на пытаньні карэспандэнта Свабоды:

«Званіце ў прэсавую службу гарадзкой міліцыі», — сказаў дзяжурны. Аднак тэлефон кіраўніка прэсавай службы ўжо больш за гадзіну не адказвае.

Мабільныя тэлефоны валянтэраў Алеся Кіркевіча, які пацярпеў ад нападнікаў, і Юрася Лукашэвіча адключаныя. Яны знаходзяцца ў міліцыі.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG