Лінкі ўнівэрсальнага доступу

Журналіст Радыё Свабода атрымаў умоўны тэрмін зьняволеньня ў Туркмэністане


Худайберды Алашаў
Худайберды Алашаў

Туркмэнскі журналіст, супрацоўнік Радыё Свабода Худайберды Алашаў і яго маці атрымалі па тры гады зьняволеньня ўмоўна паводле абвінавачваньня ў захоўваньні жавальнага тытуню насвай.

Паводле інфармацыі туркмэнскай службы Радыё Свабода, журналіста і яго маці адпусьцілі з-пад варты ў залі суду 15 лютага. Цяпер яны знаходзяцца дома ў горадзе Куня-Ургенч, на поўначы Туркмэністану. За імі ўстаноўлены нагляд, ім забаронена карыстацца якімі-небудзь сродкамі сувязі.

Алашаў і яго маці былі арыштаваныя ў сьнежні мінулага году. За некалькі тыдняў да таго адбыўся напад на журналістку Салтан Ачылаву, якая таксама супрацоўнічала з Радыё Свабода. У 2015 годзе яшчэ адзін супрацоўнік Радыё Свабода Сапармамэд Непескуліеў быў асуджаны на 3 гады турмы паводле абвінавачваньня ў захоўваньні наркотыкаў.

Праваабаронцы, міжнародныя арганізацыі і Радыё Свабодная Эўропа / Радыё Свабода лічаць, што журналістаў перасьледуюць за іх прафэсійную дзейнасьць.

Нядаўна прэзыдэнт Радыё Свабодная Эўропа / Радыё Свабода Томас Кент заклікаў неадкладна вызваліць Сапармамэда Непескуліева і Худайберды Алашава. Кент асудзіў ўлады Туркмэністану за перасьлед незалежных журналістаў.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG