Лінкі ўнівэрсальнага доступу

Вярхоўны суд Расеі вызваліў Ільдара Дадзіна


Ільдар Дадзін у аўтазаку пасьля затрыманьня, жнівень 2014 году
Ільдар Дадзін у аўтазаку пасьля затрыманьня, жнівень 2014 году

Расейскага апазыцыйнага актывіста Ільдара Дадзіна вызваляць з калёніі. Такое рашэньне прыняў Вярхоўны суд Расеі. Суд падтрымаў хадайніцтва Генпракуратуры, прадстаўнік якой заявіў, што ў дзеяньнях Дадзіна адсутнічаў склад злачынства.

Крымінальная справа супраць Дадзіна будзе закрытая. Суд прызнаў права асуджанага на рэабілітацыю.

Сам Дадзін удзельнічаў у пасяджэньні Прэзыдыюму Вярхоўнага суду Расеі па відэасувязі. Ён назваў працэс у адносінах да сябе «цыркам».

Больш на гэтую тэму: Жонка палітвязьня Дадзіна: Ён чытаў Коласа, Купалу. «Будзь сьмелым» — адзін зь яго любімых вершаў.

10 лютага Канстытуцыйны суд Расеі, разгледзеўшы скаргу абароны Дадзіна, пастанавіў пераглядзець справу ў дачыненьні да апазыцыянэра і ўнесьці зьмены ў Крымінальны кодэкс. Сам артыкул пра неаднаразовыя парушэньні на мітынгах, па якім Ільдара Дадзіна асудзілі на два з паловаю гады калёніі, суд прызнаў законным, хаця і дадаў, што ён патрабуе зьменаў.

Ільдар Дадзін — першы ў Расеі асуджаны паводле артыкулу «неаднаразовае парушэньне вызначанага парадку арганізацыі альбо правядзеньня мітынгаў». Amnesty International прызнала яго вязьнем сумленьня.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG