Лінкі ўнівэрсальнага доступу

Менскія чыноўнікі правядуць 25 лютага сустрэчы з «дармаедамі». Яшчэ 3 тысячы сплацілі збор


Ілюстрацыйнае фота. Кіраўніца адміністрацыі Лукашэнкі Натальля Качанава вядзе прыём па пытаньнях «дармаедаў» у Жодзінскім райвыканкаме
Ілюстрацыйнае фота. Кіраўніца адміністрацыі Лукашэнкі Натальля Качанава вядзе прыём па пытаньнях «дармаедаў» у Жодзінскім райвыканкаме

Пасьля шэрагу сустрэч з «дармаедамі» ў сталіцы і абласьцях Беларусі чыноўнікі правядуць дадатковыя сустрэчы ў Менску 25 лютага зь 9 да 18 гадзінаў.

«З улікам росту колькасьці зваротаў грамадзянаў у пытаньнях рэалізацыі нормаў дэкрэту № 3» з грамадзянамі сустрэнуцца старшыні Менскага гарадзкога савету дэпутатаў і кіраўніца справамі Менгарвыканкаму, а таксама намесьнікі кіраўнікоў справамі адміністрацый раёнаў. Адрасы месцаў прыёмаў і час прыёмаў тут.

За тры-чатыры дні да апошняй даты прыёму «падатку на дармаедаў», напярэдадні менскага «Маршу абураных беларусаў», чыноўнікі Адміністрацыі Лукашэнкі паехалі ў рэгіёны. У Жодзіне кіраўніца адміністрацыі Лукашэнкі Натальля Качанава правяла прыём грамадзянаў і адказала на пытаньні Свабоды. Тая сэрыя сустрэч яшчэ не завяршылася: у Гомелі і Буда-Кашалёве яны пройдуць адпаведна 23 і 24 лютага.

На апошні дзень збору «падатку на дармаедаў» грошы сплацілі 54 тысячы беларусаў — каля 11,5% ад тых, каму былі разасланыя «лісты шчасьця». З 20 лютага афіцыйная колькасьць тых, хто сплаціў, павялічылася на 3 тысячы.

Верагодна, ад збору могуць быць вызваленыя каля 15–25% ад тых, каму прыйшлі лісты. Але астатнім «дармаедам», а гэта 300-350 тысяч чалавек, пагражаюць штрафы, зьняволеньне на 15 сутак і прымусовыя работы.

Падатак на дармаедаў: выклік улады і адказ грамадзтва

Пасьля масавых «маршаў недармаедаў», якія прайшлі ва ўсіх абласных цэнтрах Беларусі, дзяржаўныя беларускія тэлеканалы пераконвалі, што «падатак на дармаедаў» бярэцца «не зь беспрацоўных, а зь вельмі працаздольных, актыўных, пасьпяховых людзей».

Свабода ж сабрала 20 гісторый, зьвязаных зь беларускімі «дармаедамі»: некаторыя нават кажуць, што гатовыя адседзець 15 сутак, бо ня хочуць ці ня могуць сплаціць 360 рублёў падатку.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG