Спроба перавароту ў Чарнагорыі з мэтай перашкодзіць уступленьню краіны ў NATO была арганізавана афіцэрамі расейскай выведкі і ўзгодненая «на высокім узроўні».
Пра гэта паведамляе газэта The Telegraph са спасылкай на крыніцы ва ўрадзе Вялікай Брытаніі, піша Meduza.
Паводле выданьня, доказы датычнасьці Расеі да змовы атрымалі брытанскія і амэрыканскія спэцслужбы, якія ўдзельнічалі ў расьсьледаваньні спробы перавароту.
Крыніцы газэты сьцьвярджаюць, што ў справе ёсьць сьведчаньні падтрымкі змовы «на высокім узроўні». Пры гэтым пераварот быў сплянаваны так, каб яго адзінымі арганізатарамі можна было выставіць расейскіх афіцэраў і нацыяналістаў, якія нібыта дзейнічаюць па сваёй ініцыятыве.
Абвешчаныя ў вышук па справе аб перавароце расейцы Эдуард Шырокаў і Ўладзімір Папоў, па інфармацыі The Telegraph, зьяўляюцца супрацоўнікамі расейскай выведкі.
Мяркуецца, што пераапранутыя паліцэйскімі змоўшчыкі падчас масавай акцыі пратэсту пасьля парлямэнцкіх выбараў у Чарнагорыі павінны былі адкрыць агонь па дэманстрантам, каб потым абвінаваціць ва ўсім улады і справакаваць зьвяржэньне прэм’ер-міністра краіны Міла Джуканавіча.
Крэмль адмаўляе сваю датычнасьць да спробы перавароту ў Чарнагорыі, але вядома, што Расея актыўна падтрымлівае мясцовыя палітычныя групы, якія выступаюць супраць пранатаўскага ўраду.
Самае папулярнае
1