Дарадца міністра ўнутраных спраў Украіны Заран Шкірак ініцыюе забарону расейскіх сацыяльных сетак «Одноклассники» і «ВКонтакте».
«Мы бачым, што гэтыя сеткі — асноўныя вытворцы антыўкраінскага кантэнту, які распаўсюджваецца ў Інтэрнэце», — сказаў Заран Шкірак сёньня на брыфінгу ў Кіеве.
Дарадца міністра ўнутраных спраў мяркуе, што такую ініцыятыву мае падтрымаць і Міністэрства адукацыі, каб настаўнікі маглі тлумачыць вучням шкоду ад выкарыстаньня расейскіх сацыяльных сетак.
Заран Шкірак перакананы, што галоўнай задачай зьяўляецца абарона інфармацыйнай прасторы Ўкраіны ад узьдзеяньня расейскай прапаганды. А «Одноклассники» ды «ВКонтакте», паводле яго, цалкам падкантрольныя і кіруюцца расейскімі спэцслужбамі.