Пра гэта паведаміў старшыня Слуцкай гарадзкой арганізацыі Партыі БНФ Віталь Амяльковіч пасьля сустрэчы са старшынём гарсавету.
Гарадзкія ўлады вымушаныя прызначыць новыя грамадзкія слуханьні па перайменаваньні вуліцы Камсамольскай у вуліцу імя Слуцкіх паўстанцаў, атрымаўшы подпісы з сайта электронных пэтыцыяў zvarot.by. Дата і месца правядзеньня слуханьняў пакуль невядомыя.
У сваю чаргу, спадар Амяльковіч нагадаў гарсавету, што згодна з законам аб мясцовых сходах абвестка пра дату і месца іх правядзеньня павінна быць агучана не пазьней як за 15 дзён да мерапрыемства.
Сябры слуцкай арганізацыі Партыі БНФ будуць сачыць за разьвіцьцём сытуацыі і заклікаюць усіх, хто падтрымлівае ідэю ўшанаваньня герояў Слуцкага Збройнага Чыну, узяць удзел у грамадзкіх слуханьнях.
