Грышка:
Якая абразьлівая навіна!
Дэпартавалі ад нас Жадана.
Прыйшлі ўначы да яго а другой
І болей, гавораць, да нас — ні нагой!
Саўка:
Закон справядлівы, хаця і суровы.
Убіў, можа, Гіві он ці Матаролу?
А можэт, он очэнь і очэнь апасен?
Я, в обшчэм, с рэшэніем эцім сагласен.
Разам:
Хапун, пратакол і начоўка ў міліцыі -
Гэта беларуская наша традыцыя.
Грышка:
Дык што, расейцам цяпер вырашаць -
Хто тут, у нас, будзе вершы чытаць?
Хто будзе граць, хто будзе сьпяваць?
Прыдурак ты, Саўка, што шчэ тут сказаць?
Саўка:
Пака мы з табой тут судзілі-радзілі,
Ані ўжо рэшэнье сваё адмянілі.
Грышка:
Ага, адмянілі... Дзівосны наш час!
Але, ўсё адно, ёсьць традыцыі ў нас.
Разам:
Хапун, пратакол і начоўка ў міліцыі -
Гэта беларуская наша традыцыя.
