Лінкі ўнівэрсальнага доступу

Прафсаюз РЭП сабраў 33 тысячы подпісаў за адмену дэкрэту аб дармаедах


Генадзь Фядыніч
Генадзь Фядыніч

Пра гэта Свабодзе паведаміў сёньня кіраўнік Беларускага прафсаюзу радыёэлектроннай прамысловасьці (РЭП) Генадзь Фядыніч:

«23 тысячы мы маем у электронным выглядзе, 10 тысяч — у пісьмовым.

Копіі 8,5 тысячы пісьмовых подпісаў ужо накіравалі на тры адрасы: у адміністрацыю прэзыдэнта, Палату прадстаўнікоў, ва ўрад.

Найбольшую актыўнасьць праявілі ў Оршы, Бабруйску, Гародні, Гомелі, Менску.

Пакуль ніякай рэакцыі ад уладных структураў мы ня маем. Чакаем, што афіцыйны адказ прыйдзе дзесьці 15 лютага. А 20 лютага — апошні дзень, калі людзі, якія атрымалі так званыя „лісты шчасьця“, могуць сплаціць гэты падатак. У залежнасьці ад таго, як прарэагуюць на нашы звароты ўлады, і будзем дзейнічаць».

Генадзь Фядыніч сказаў таксама, што кіраўніцтва РЭПу прыняла рашэньне аб бліжэйшых маршах супраць падатку на дармаедаў:

«Маршаў, падобна, будзе некалькі. Пакуль агульная думка такая — ня зьвязваць нікому рукі. Кожны наш актывіст сам вызначаецца з удзелам альбо няўдзелам у першых акцыях».

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG