Лінкі ўнівэрсальнага доступу

Цукеркі


Сэймур Джозэф Гай, «Горкае» (1877)
Сэймур Джозэф Гай, «Горкае» (1877)

Выпадкова стаў сьведкам размовы.

Малы гадоў пяці просіць купіць цукеркі, якія яму спадабаліся. Бацька тлумачыць, што гэтыя цукеркі дарагія, і лепей на тыя самыя грошы купіць штосьці больш патрэбнае. А маці заўважае:

— Будзем мы старыя, працаваць ужо не будзем, захочацца нам салодкага, давядзецца папрасіць сына, каб ён нам купіў. А ён скажа, што цукеркі ня танныя. і, наогул, яму на іншае грошы патрэбны.

Хлопчык заціх, уважліва прыслухоўваючыся да маці. Потым нечакана сказаў:

— Я вам найлепшыя цукеркі куплю! і ня буду казаць, колькі яны каштуюць. Куплю, чаго толькі пажадаеце!

Бацькі засьмяяліся. і купілі малому цукеркі.

Марат Баскін


Шаноўныя чытачы, у гэтай рубрыцы кожны з вас можа апублікаваць свой тэкст, калі запрапануе цікавую тэму і ўкладзецца ў 100 словаў. Прысылайце свае прапановы на адрас svaboda@rferl.org

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG