У Кіеве каля аддзяленьняў расейскіх банкаў прайшлі акцыі пратэсту партыі «Нацыянальны корпус» і карпусу «Азоў». Апрануўшыся ў ватоўкі і вушанкі і узяўшы ў рукі балалайкі і настойку «Глог», актывісты расставілі вакол аддзяленьняў «Сбербанка» плякаты «Добра пожаловать в Россию», разьлілі некалькі упаковак з чырвонай фарбай і прапаноўвалі мінакам забіраць уклады з банкаў.
Актывісты заявілі, што «акцыя будзе мець бестэрміновы характар» і ў далейшым будзе арганізавана каля ўсіх аддзяленняў расейскіх банкаў: гэтак яны абараняюць нацыянальныя эканамічныя інтарэсы Украіны, дзе расійскія фінансавыя ўстановы займаюць 15% банкаўскай сфэры.
Таксама ўдзельнікі акцыі заклікалі прэзыдэнта Украіны Пятра Парашэнку закрыць усе аддзяленьні расейскіх банкаў у краіне і арыштаваць кіраўніка Нацбанку Ўкраіны Валерыю Гонтараву.
У паліцыі запэўнілі, што забясьпечваюць парадак на акцыях каля фінансавых устаноў.
У 2015 годзе адбыліся напады на некалькі аддзяленьняў «Сбербанка» ў Львове і Кіеве.
