Лінкі ўнівэрсальнага доступу

У Казані зьнішчылі «беларускія» яблыкі, памідоры і вінаград


У Казані інспэктары Фэдэральнай службы па вэтэрынарным і фітасанітарным наглядзе (Россельхознадзор) знайшлі польскія яблыкі ды турэцкія і гішпанскія памідоры, імпартаваныя Беларусьсю.

Як паведамляе афіцыйны сайт Россельхознагляду, на мінулым тыдні інспэктары па Рэспубліцы Татарстан, праводзячы кантроль прадпрыемства «Плодоовощная база» Казані, выявілі 237,1 кг яблыкаў і груш польскага паходжаньня, 253 кг вінаграду і 151, 5 кг памідораў турэцкага паходжаньня, 15 кг вінаграду і 10 кг памідораў гішпанскага паходжаньня. Краіны паходжаньня былі на этыкетках. Імпартэрам прадукцыі была Рэспубліка Беларусь.

Сайт паведамляе, што ў адпаведнасьці з заканадаўствам гэтая прадукцыя была канфіскаваная з абароту і «зьнішчаная на палігоне цьвёрдых бытавых адходаў мэханічным шляхам».

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG