Лінкі ўнівэрсальнага доступу

Ужо сёньня: гадавіна пачатку паўстаньня супраць расейскага царызму, адным з кіраўнікоў якога быў Каліноўскі


Пётра Сергіевіч. Кастусь Каліноўскі сярод паўстанцаў 1863 году
Пётра Сергіевіч. Кастусь Каліноўскі сярод паўстанцаў 1863 году

Падзеі 22 студзеня ў беларускай і сусьветнай гісторыі, а таксама афіша на сёньня.

Дата дня

22 студзеня 1863 году Цэнтральны нацыянальны камітэт у Варшаве пачаў паўстаньне супраць расейскага царызму. Праз 10 дзён да яго далучыліся паўстанцы Беларусі і Літвы пад кіраўніцтвам Кастуся Каліноўскага.

Паўстаньне мела на мэце адмяніць падзелы Рэчы Паспалітай. Яно было жорстка задушана ўладамі ў 1864 годзе. Гэта стала штуршком для разьвіцьця беларускай нацыянальнай гісторыі і літаратуры.

Таксама ў гэты дзень

1919 — адбылося абʼяднаньне Ўкраінскай і Заходнеўкраінскай народных рэспублік.

1973 — Вярхоўны суд ЗША легалізаваў аборты.

1980 — быў затрыманы і адпраўлены ў высылку Андрэй Сахараў, расейскі і савецкі фізык, праваабаронца і палітычны дзяяч.

У гэты дзень нарадзіліся

1561 — Фрэнсыс Бэкан, ангельскі філёзаф, навуковец і грамадзкі дзяяч.

1890 — Ільдэфонс Бобіч, каталіцкі сьвятар, прыхільнік беларусізацыі касьцёлу.

1898 — Сяргей Эйзэнштэйн, савецкі рэжысэр, сцэнарыст, тэарэтык кіно і пэдагог.

1935 — Аляксандар Мень, праваслаўны сьвятар, багаслоў, аўтар кніг па багаслоўі, гісторыі хрысьціянства і іншых рэлігій.

У памяці

1901 — памерла Вікторыя, каралева Вялікай Брытаніі. Вікторыя прабыла на троне звыш 63 гадоў — больш, чым любы іншы брытанскі манарх. Яе звалі «Бабуляй Эўропы». Вялікая колькасьць дынастычных шлюбаў, якія заключылі яе дзеці і ўнукі, узмацніла ўплыў Вялікай Брытаніі на кантынэнце.

1978 — памёр Алесь Салавей, беларускі паэт.

2012 — памёр Яўген Шатохін, беларускі мастак.

2014 — ад агнястрэльнага раненьня ў сэрца ў Кіеве загінуў Міхаіл Жызьнеўскі, актывіст Майдану і герой Нябеснай сотні.

Афіша. Канцэрт Зьмітра Вайцюшкевіча

Зьміцер Вайцюшкевіч прэзэнтуе праграму з выбраных песень на вершы айчынных і замежных паэтаў у суправаджэньні гітары, клявішных і акардэона.

Менск, клюб Beer&Wine (вул. Кульман, 9).
Пачатак а 19-й.
Квіток — 22 рублі (калі яшчэ ёсьць).

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG