Лінкі ўнівэрсальнага доступу

МУС вызначыла квоты на ўцекачоў на 2017 год — 800 чалавек


Міністэрства ўнутраных спраў Беларусі прыняло пастанову, якой на 2017 год вызначаны «разьмеркавальныя квоты рэгістрацыі хадайніцтваў аб наданьні статусу ўцекача або дадатковай абароны».

Дакумэнт ад 30 сьнежня 2016 году апублікаваны 20 студзеня на Нацыянальным прававым інтэрнэт-партале Беларусі, перадае БелаПАН.

Такім чынам, вызначаны квоты на рэгістрацыю ў 2017 годзе 800 уцекачоў:

Берасьцейская вобласьць — 135 чалавек;
Віцебская вобласьць — 170 чалавек;
Гарадзенская вобласьць — 95 чалавек;
Гомельская вобласьць — 170 чалавек;
Менская вобласьць — 115 чалавек;
Магілёўская вобласьць — 115 чалавек.

У пачатку 2017 году стала вядома, што Эўрапейская камісія прыняла рашэньне пра выдзяленьне Рэспубліцы Беларусь 7 млн эўра на будаўніцтва цэнтраў для ўцекачоў.

Але, як паведамляла Міністэрства ўнутраных спраў, сырыйскія альбо іншыя ўцекачы з Эўразьвязу там разьмяшчацца ня будуць.

«Гаворка ідзе толькі пра іншаземцаў — незаконных мігрантаў, затрыманых у нашай рэспубліцы, — падкрэсьлівае МУС. — Зьмяшчэньне незаконных мігрантаў плянуецца ў пэрыяд правядзеньня неабходных працэдураў, зьвязаных з ідэнтыфікацыяй асобы і/або дэпартацыяй. На гэты момант у МУС і Дзяржаўным памежным камітэце адсутнічаюць спэцыяльныя памяшканьні, прызначаныя для ўтрыманьня і працы з такой катэгорыяй грамадзянаў. Апошнія разьмяшчаюцца ў ізалятарах часовага ўтрыманьня тэрытарыяльных аддзелаў унутраных спраў і Дзяржаўнага памежнага камітэту».

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG