Лінкі ўнівэрсальнага доступу

Суд вырашыць, ці можа брытанскі ўрад пачаць «Брэксыт» бяз згоды парлямэнту


Тэрэза Мэй
Тэрэза Мэй

Вярхоўны суд Вялікай Брытаніі разгледзіць пытаньне аб тым, ці мае брытанскі прэмʼер-міністар Тэрэза Мэй юрыдычнае права пачаць працэдуру выхаду з Эўрапейскага Зьвязу без ухвалы парлямэнту.

18 студзеня суд абвясьціў, што рашэньне будзе вынесена ў наступны аўторак.

У сваім выступе з нагоды ўрадавага пляну выхаду з ЭЗ Мэй заявіла, што пачне яго ў адпаведнасьці з артыкулам 50 Лісабонскай дамовы аб ЭЗ — да канца сакавіка, незалежна ад ухваленьня заканадаўцаў.

Раней урад аспрэчыў ў Вярхоўным судзе рашэньне Высокага суду Лёндану, які пастанавіў у лістападзе, што выкарыстаньне прэмʼер-міністрам надзвычайных выканаўчых паўнамоцтваў, вядомых як «каралеўская прэрагатыва», у выпадку з «Брэксытам» будзе незаконным.

17 студзеня Тэрэза Мэй заявіла, што Брытанія гатовая выйсьці з агульнаэўрапейскага рынку, і паабяцала, што фінальная дамоўленасьць наконт «Брэксыту» будзе вынесеная на разгляд парлямэнту.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG