Лінкі ўнівэрсальнага доступу

Ужо сёньня: сьвята Вадохрышча, дзень народзінаў Эдгара По і Сяргея Міхалка


Сяргей Міхалок на канцэрце гурту Brutto ў Гомелі, кастрычнік 2016 год
Сяргей Міхалок на канцэрце гурту Brutto ў Гомелі, кастрычнік 2016 год

Падзеі 19 студзеня ў беларускай і сусьветнай гісторыі, а таксама афіша на сёньня

Дата дня

19 студзеня 1972 году нарадзіўся Сяргей Міхалок. Да 2014 году Міхалок быў вакалістам і галоўным ідэолягам беларускага гурту «Ляпіс Трубяцкі». У верасьні 2014 году пасьля распаду «Ляпіса Трубяцкога» Сяргей Міхалок узначаліў праект «Brutto». Летась Міхалок аднавіў праект «Ляпіс Трубяцкі» ў клюбным фармаце «Ляпіс-98».

Рэвалюцыйная эвалюцыя Міхалка: 22 песьні, якія варта пераслухаць

Таксама ў гэты дзень

1903 — было абвешчана аб правядзеньні першай у сьвеце роварнай гонкі «Тур дэ Франс».

1966 — Індзіра Гандзі стала трэцім прэм’ер-міністрам Індыі.

1978 — у Нямеччыне вырабілі апошні аўтамабіль «Фальксваген-Жук».

У гэты дзень нарадзіліся

1809 — Эдгар Алан По, амэрыканскі пісьменьнік

1839 — Поль Сэзан, францускі мастак

1931 — Натальля Паплаўская, беларуская мастачка.

1947 — Лешак Бальцаровіч, польскі палітык і эканаміст, аўтар радыкальных эканамічных рэформаў у посткамуністычнай Польшчы.

У памяці

1862 — памёр Міхал Без-Карніловіч, вайсковы тапограф і статыстык, аўтар кнігі «Гістарычныя зьвесткі пра знакамітыя мясьціны ў Беларусі».

1944 — быў забіты польскім падпольлем Мікола Чарнецкі, беларускі публіцыст і палітычны дзяяч.

1969 — на знак пратэсту супраць вайсковай інтэрвэнцыі Савецкага Саюзу ў Чэхаславаччыну ўчыніў самаспаленьне чэскі студэнт Ян Палах.

2001 — памёр Ян Пятроўскі, беларускі пратэстанцкі дзяяч. Перакладаў на беларускую мову Плятона, Марка Аўрэлія. Першым пераклаў на беларускую мову «Ўсеагульную дэклярацыю правоў чалавека».

2013 — загінуў Юры Гумянюк, беларускі паэт і журналіст.

Афіша

Менская гарадзкая арганізацыя таварыства ратаваньня на водах арганізуе сем вадохрышчанскіх купеляў на вадаёмах у сталіцы і прымесьцях — на Камсамольскім возеры, на Вячы, на Менскім моры, на Пцічы, на вадасховішчах Крыніца і Дразды. Каля ўсіх пералічаных купеляў будуць дзяжурыць ратавальнікі і мэдыкі. Акунуцца ў палонку можна будзе да 19 гадзіны.

Прэзэнтацыя кнігі «Айчына. Маляўнічая гісторыя»

Пісьменьнік Уладзімер Арлоў і мастак Павал Татарнікаў правядуць аўтограф-сэсію з нагоды прэзэнтацыі новай кнігі. У імпрэзе возьме ўдзел фундатар выданьня Павал Бераговіч.

Вокладка выданьня
Вокладка выданьня

Менск, кнігарня «Акадэмкніга» (пр. Незалежнасьці, 72).
Час правядзеньня: з 17 да 20 гадзіны.
Уваход вольны.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG