Як паведамляе Мытная палата ў Беластоку, мытнікі на памежным пераходзе ў Баброўніках знайшлі пяць сярэднявечных чаканаў у багажы 62-гадовай беларускі.
Паводле папярэдняй ацэнкі спэцыялістаў у галіне археалёгіі, знойдзеныя адзінкі зброі паходзяць з XI-XII стагодзьдзяў з усходняй Эўропы. Верагодна, яны ўзятыя з магілаў сярэднявечных ваяроў.
Падчас мытнага кантролю беларуска тлумачыла, што яна перавозіць сякеры, знойдзеныя яе сваяком. У Польшчы яна хацела, паводле яе словаў, перарабіць гэтыя сякеры на кухонныя нажы. Жанчыне пагражае штраф.
Радыё Беласток паведамляе, што гэта другі выпадак выяўленьня мытнікамі ў Баброўніках нелегальнага перавозу старажытных прадметаў праз беларуска-польскую мяжу за апошні месяц. У сярэдзіне сьнежня 2016 мытнікі сарвалі спробу кантрабанды трох сярэднявечных мячоў і шлема.
Падляскія мытнікі выявілі спробу кантрабанды старажытнай зброі.
Яшчэ на гэтую тэму
Самае папулярнае
1