Лінкі ўнівэрсальнага доступу

Керы скрытыкаваў словы Трампа пра міграцыйную палітыку Нямеччыны


Джон Керы
Джон Керы

Дзяржаўны сакратар ЗША Джон Керы назваў «непрыстойнымі» словы абранага прэзыдэнта ЗША Дональда Трампа пра міграцыйную палітыку Нямеччыны.

Трамп у інтэрвію выданьням Bild і The Times назваў палітыку прыёму ўцекачоў, якая праводзіцца канцлеркай Мэркель, «катастрафічнай памылкай», зьвязаўшы тэракт на калядным кірмашы ў Бэрліне зь міграцыйным крызісам. Паводле яго, наплыў уцекачоў таксама прывёў да выхаду Вялікай Брытаніі з Эўразьвязу.

У адказ канцлерка Нямеччыны Ангела Мэркель заклікала ня зьвязваць барацьбу з тэрарызмам і пытаньне аб прыёме ўцекачоў, заявіўшы, што эўрапейцы самі вызначаюць свой лёс. Паводле Мэркель, у барацьбе з тэрарызмам Эўропе дапамогуць эканамічная моц і эфэктыўная сыстэма прыняцьця рашэньняў.

Прэзыдэнт Францыі Франсуа Алянд заявіў, што Эўропа «ня мае патрэбу ў парадах, што ёй рабіць».

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG