Паўночнакарэйскі лідэр Кім Чэн Ын абвясьціў, што яго краіна знаходзіцца «на апошнім этапе» стварэньня міжкантынэнтальнай балістычнай ракеты.
У навагоднім тэлезвароце да народу Кім Чэн Ын заявіў, што Паўночная Карэя «паднялася да вышыняў ядзернай дзяржавы» ў 2016 годзе і ў хуткім часе стане ўладальнікам міжкантынэнтальнай балістычнай ракеты.
Заходнія агенцтвы, спасылаючыся на меркаваньні навукоўцаў, сьцьвярджаюць, што Пхеньяну яшчэ трэба будзе «некалькі гадоў працаваць» над стварэньнем міжкантынэнтальнай ракеты, здольнай несьці ядзерны зарад.
У 2016 годзе Паўночная Карэя правяла два ядзерныя выпрабаваньні і некалькі выпрабавальных пускаў балістычных ракет.
