Блогер Яўген Аснарэўскі сабраў больш за 1300 подпісаў за помнік Баторыю ў Горадні за пару тыдняў. Прычым, паводле яго, падтрымку выказвалі людзі на розных мовах. Праз інтэрнэт ён таксама паведаміў, што многія з тых, хто падпісаўся за ўстаноўку помніка Баторыю, прапанавалі і свае ахвяраваньні на гэта.
Аснарэўскі піша, што ён і сам не спадзяваўся на станоўчы адказ з боку гарадзенскіх ўладаў, не пытаўся ў іх, ці маюць яны на гэта сродкі.
Паводле Аснарэўскага, галоўнае, каб улады далі дабро на ўстаноўку помніка, а сродкі зьбяруць тыя, хто гатовы на гэта ахвяраваць.
Цікава і тое, што ў адказе з гарвыканкаму Аснарэўскаму дзякуюць «за актыўную жыцьцёвую пазыцыю і ўнесеную прапанову».
Блогер выказвае спадзеў, што помнік каралю Баторыю некалі ўсё ж зьявіцца ў Горадні.
