Лінкі ўнівэрсальнага доступу

Ужо сёньня: пачаў дзейнічаць Берасьцейскі манэтны двор


Манэты з прыватнага збору. Ілюстрацыйнае фота 
Манэты з прыватнага збору. Ілюстрацыйнае фота 

Падзеі 4 сьнежня ў беларускай і ўсясьветнай гісторыі, а таксама афіша на сёньня.

Дата дня

4 сьнежня 1665 году пачала дзейнічаць Берасьцейская мынца (манэтны двор). Яна была заснаваная падчас грашовай рэформы караля Яна Казімера для біцьця літоўскіх медных шэлягаў — гэтак званых барацінак.

Таксама ў гэты дзень

1939 — у складзе БССР утвораная Беластоцкая вобласьць з цэнтрам у Беластоку.

1959 — адкрыўся для наведваньняў Дзяржаўны літаратурна-мэмарыяльны музэй Якуба Коласа ў Менску.

1971 — падчас канцэрту Фрэнка Запы было спалена казіно ў Монтрэ. Гэта падзея ўвечненая ў песьні гурта Deep Purple «Smoke on the Water» (Дым над вадою).

1989 — Генэральная Асамблея ААН ухваліла Міжнародную канвэнцыю аб барацьбе зь вярбоўкаю, выкарыстаньнем, фінансаваньнем і навучаньнем наймітаў.

1989 — у Маскве кіраўнікі Баўгарыі, Вугоршчыны, ГДР, Польшчы ды СССР асудзілі ўвод іхніх войскаў у Чэхаславаччыну ў жніўні 1968 году.

1997 — у Атаве 125 краін падпісалі Канвэнцыю аб забароне супрацьпяхотных мінаў. Сярод краін, якія адмовіліся падпісаць гэты дакумэнт, былі Кітай, Расея, ЗША.

У гэты дзень нарадзіліся

1874 — беларускі жывапісец Леў Альпяровіч. Сам ён быў з Куранца пад Вялейкай, вучыўся ў Вільні, а пасьля жыў і працаваў у Менску.

Леў Альпяровіч. Жанчына ля мора (1905)
Леў Альпяровіч. Жанчына ля мора (1905)

1875 — Райнэр Марыя Рыльке, нямецкі паэт.

1892 — Франсіска Франка, гішпанскі дыктатар.

У памяці

1131 — памёр Амар Хаям, пэрсыдзкі і таджыцкі паэт, матэматык, філёзаф.

1642 — памёр кардынал Рышэльё, францускі палітык.

1679 — памёр Томас Гобс, ангельскі філёзаф-матэрыяліст і матэматык.

1942 — падчас Другой усясьветнай вайны была закатаваная Вера Харужая, беларуская падпольніца, партызанка.

1972 — памёр Мікалай Аладаў, беларускі кампазытар і пэдагог.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG