Лінкі ўнівэрсальнага доступу

logo-print

На помніку ахвярам Пінскага гета намалявалі свастыку


На помніку ахвярам Пінскага гета намалявалі свастыку

На помніку ахвярам Пінскага гета намалявалі свастыку

Невядомыя апаганілі помнік ахвярам нацыстаў на месцы масавага зьнішчэньня габрэяў, цыганоў, вязьняў пінскай турмы і партызанаў у Пінску, паведамляе «Медыя-Палессе». На шыльдзе помніка намалявалі свастыку.

На памятным валуне вісіць шыльда з паведамленьнем, што прычыненьне шкоды караецца па законе. Зрэшты, сама гэтая шыльда пашкоджаная, адзначае выданьне.

У час Другой усясьветнай вайны Пінск страціў 73% жыхароў — большасьць насельніцтва гораду складалі габрэі. На асабісты загад рэйхсфюрэра Гімлера 29 кастрычніка 1942 году пачалася ліквідацыя Пінскага гета. За чатыры дні нацысты зьнішчылі 26 тысяч чалавек, толькі адзінкі ўратаваліся.

У сярэдзіне лістапада ў Магілёве помнік забітым у вайну габрэям аблілі чорнай фарбай. Міліцыя сьцьвярджае, што гэта справа рук скінгэдаў — прадстаўнікоў ультраправага руху.

Ваша меркаваньне

Паказаць камэнтары

XS
SM
MD
LG