Лінкі ўнівэрсальнага доступу

Суд пакінуў расейскага міністра пад хатнім арыштам


Аляксей Улюкаеў

Аляксей Улюкаеў

Маскоўскі гарадзкі суд пакінуў пад хатнім арыштам Аляксея Ўлюкаева, былога міністра эканамічнага разьвіцьця. Такое рашэньне было прынятае на пасяджэньні 28 лістапада. Суд таксама адхіліў хадайніцтва адвакатаў аб шпацырах і зносінах з прэсай.

Улюкаеў папрасіў суд дазволіць яму даць адно інтэрвію. Паводле яго слоў, гэта дазволіла б яму абвясьціць сваю вэрсію таго, што адбываецца. Але і ў гэтым суд Улюкаеву адмовіў.

Былога міністра эканамічнага разьвіцьця затрымалі 15 лістапада. Сьледзтва сьцьвярджае, што ён вымагаў два мільёны даляраў у кампаніі «Раснафта». Сам Улюкаеў сваю віну адмаўляе. Прэзыдэнт Расеі Ўладзімер Пуцін звольніў яго «у сувязі са стратай даверу».

Паказаць камэнтары

XS
SM
MD
LG