Лінкі ўнівэрсальнага доступу

Беларусь і Эўразьвяз правядуць перамовы пра спрашчэньне візавага рэжыму. Трэба «праясьніць пазыцыі»


Намесьніца міністра замежных справаў Беларусі Алена Купчына анансавала перамовы Беларусі і Эўразьвязу пра пагадненьне аб спрашчэньні візавага рэжыму. Калі могуць быць падпісаныя адпаведныя пагадненьні, невядома.

Мусяць прайсьці «тэхнічныя кансультацыі», сярод іншага па пытаньні рэадмісіі — вяртаньня на радзіму дэпартаваных градмадзянаў, у тым ліку трэціх краінаў, перадае словы Купчынай БелаПАН.

Намесьніца міністра замежных справаў Беларусі Алена Купчына
Намесьніца міністра замежных справаў Беларусі Алена Купчына

«Пытаньне са спрашчэньнем візавага рэжыму не застапарылася, — заяўляла Купчына. — Будуць праводзіцца тэхнічныя кансультацыі ў найбліжэйшы час. Там ёсьць пытаньні, якія пакуль адкрытыя і з боку Беларусі, і з боку ЭЗ у сьвятле новай міграцыйнай сытуацыі ў Эўропе ў тым ліку».

Купчына тлумачыць, што перамовы пачыналіся, калі сытуацыя ў Эўропе была «адносна бясьпечная», але цяпер Беларусь найбольш турбуе пагадненьне пра рэадмісію: Беларусь гатовая ўзяць на сябе абавязальніцтва пра рэадмісію грамадзянаў трэціх краінаў (напрыклад, расейцаў, якія празь Беларусь уехалі ў Польшчу, але адтуль мусяць быць дэпартаваныя ў Расею з удзелам Беларусі. — РС), але хацела б пераходны пэрыяд у тры гады, які ёй сёньня не прапануюць. Такі пераходны тэрмін прапаноўвалі Расеі, Украіне і Турэччыне, згадвае яна.

Пытаньне рэадмісіі галоўнае, але Купчына адзначае, што справа ня ў тым, што Беларусь не гатовая выконваць абавязальніцтвы, а ў тым, хто «хоча выконваць іх годна».

Таксама Эўразьвяз хоча дадатковыя гарантыі ў бясьпецы беларускіх дыпляматычных пашпартоў. Але Эўразьвяз ня ставіць патрабаваньнем укараненьне біямэтрычных пашпартоў для ўсіх грамадзянаў дзеля спрашчэньня візавага рэжыму.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG