Лінкі ўнівэрсальнага доступу

Парашэнка заявіў, што ўжо абмеркаваў Крым і Данбас з Трампам


Прэзыдэнт Украіны Пётар Парашэнка заявіў, што ўжо абмеркаваў пытаньне анэксаванага Крыму і канфлікту ў Данбасе з абраным прэзыдэнтам ЗША Дональдам Трампам падчас тэлефоннай размовы.

Такую заяву Парашэнка зрабіў на прэсавай канфэрэнцыі па выніках саміту Ўкраіна-Эўразьвяз. Іншых падрабязнасьцяў гутаркі з Трампам прэзыдэнт Украіны раскрываць ня стаў.

Крым быў анэксаваны Расеяй у сакавіку 2014 году. Легітымнасьць «рэферэндуму», які прайшоў у Крыме, не прызнае большасьць краін сьвету, уключаючы Злучаныя Штаты і эўрапейскія дзяржавы.

Падчас перадвыбарчай кампаніі Трамп паабяцаў разгледзець прызнаньне Крыму расейскім. Паводле яго слоў, неабходна ўлічваць меркаваньне жыхароў паўвострава ў пытаньні аб яго тэрытарыяльнай прыналежнасьці. Трамп таксама неаднаразова адзначаў, што хацеў бы наладзіць адносіны з Расіяй.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG